رمضان زمان والأن

الشهر الوحيد اللى ممكن اقول أنه أجمل وأحلى شهر فىالسنة وده لعدة أسباب

أولا: أن ربنا كرم هذا الشهر عن باقى الشهور وأهداه ليلة هى خيرا من ألف ليلة وهى ليلة القدر والتى هى بالف شهر

ثانيا : أن الخير فى الشهر ده مش عارفة بيجى منين وتلاقى الغنى بيعطف على الفقير والناس تحترم نفسها وخصوصا فى الأتوبيس وماأدراكم ما هو الأتوبيس فى الأيام العادية ألى أخرة من محاسن الشهر من أمتلاء المساجد بالناس والتى قد تكون خالية فى باقى أوقات السنة

بس ساعات بسأل نفسى يعنى الناس لما بتعمل كده دة يعنى على أساس أن رمضان موسم للعبادة زى ما كل حاجة فى الدنيا لها موسم يعنى زى المانجو أو مهرجان السياحة والتسوق

متهئ لي أن رمضان زمان كان مختلف عن دلوقتى كتيروعشان كدة سألت أمى كيف كان رمضان زمان فقالت لى يعنى كان صلاة وصوم وعبادة وحلقات ذكر وقيام ليل ومسحراتى وفوانيس وكنافة وقطايف وأطفال ماسكة فوانيس وتغنى وتقول وحوى يا وحوى وأنها يوم ما زهزهت أوى طلع فوازير ثلاثى أضواء المسرح وبعدهم الرائعة نيللى واللى ماما بتقولى ان كل الناس كانت بتقعد تستناها من السنة للسنة طبعا دة غير الأغانى الجميلة للثلاثى المرح زى اغنية أهو جة ياولاد وسبحة رمضان وأغنيةرمضان جانا لعبد المطلب والغريب أن الأغانى دى محفورة فى وجدانا على الرغم أننا مش من جيل مطربيها ألا انها علامة مميزة لمجىء الشهر الكريم واللى ممكن منحسش ان رمضان جة الا بيها

والأن ويا حسرة رمضان بقى يا تلفزيون يا من مسلسلات لا حصر لها وكأن فيضان دراما جاء علينا من كل فج وكأن هناك حلبة مصارعة دراميه دة غير البرامج التفاهه والأعلانات الكتتتتتتييييييييييييير اللى من كترها فى وسط المسلسل تنسى احداثةواللى مجننى لما يجيبوا ممثلين يتكلموا فى الدين مش عارفة دة يعنى على أساس اية أحنا مش عايزين نضحك على بعض

حقيقي حقيقى بأتمنى أنى أعيش رمضان زمان رمضان بجد