وسط البلد

أحساس غريب أنتابنى هذة المرة وانا فى وسط البلد مع أن الزحام هو هو والمحلات المتراصة على الجوانب ماتزال ساكنة فى اماكنها حتى الأبتسامة التى يلقيها الباعة على أفواههم ماتزال وكأنها أبتسامة بايتة كسل اصحابها على تغيرها انظرالى المارة وأرى وراء كل عين حكاية يمكن هم او هيافة مش عارفة بس حاسة أن المكان غريب عنى عاملة زى السائح اللى أول مرة ينزل مصر وكأنى معشتش فيها ،وجعتها ووجعتنى ؛كل شبر من وسط البلد يشهد على ضحكة أو دمعة أو وجع منى مع ناس بحبهم اوى بس النهاردة هم فين وانا نازلة بيتنا لوحدى من غيرهم كل حاجة غريبة هنا من غيرهم زى مايكون معاهم مفاتيح كل حاجة ،صوت عقلى بيقول أنهم مابعدوش بس الدنيا اخدتنا من بعض بس ياترى هترجعهم لى تانى مش عارفة بس انا عندى أمل نرجع احسن من الأول